Col 2 | PONPDN | STEP | A I men, komail en asa iran ai pei laud pweki komail, o men Laodisaa, o irail karos, me sota kilan mas ai ni uduk o.

Colossians 2

1 A I men, komail en asa iran ai pei laud pweki komail, o men Laodisaa, o irail karos, me sota kilan mas ai ni uduk o. 2 Pwe monion arail en kamaitala o irail en warok pena ni limpok o irail en kakairida ni ar dedeki melel duen me rir en Kot. 3 Pwe pai en erpit o dedeki, me okiok re a. 4 I me i inda mepukat, pwe aramas amen ede kotau ki komail lokaia widin kan. 5 A ni pali uduk o nai me doo, a ni pali nen i nai mi re omail, i poronki o kilan omail sondi mau, o omail poson kelail Kristus. 6 A duen omail wuki on Kristus lesus Kaun o, iduen komail en weweideki i, 7 O podidi on i, o kakau kida i, o komail kelail ni poson, duen nir komail padak kidar, o nantion 8 Kalaka pwe amen ede sali kin komail padak mal o padok en kauada duen tiak en aramas akan en sappa, a kaidin tiak en aramas akan en sappa, a kaidin tiak en Kristus. 9 Pwe aude pan me udah Kot karos kotikot re a, nan pein war a. 10 O komail me unsok kilar I, me tapwin wei karos o manaman karos. 11 Me komail pil sirkomsaiseki on sirkomsais eu, me so manin pa, a duen pwilikidi war en uduk ni sirkomsais eu, me ren Kristus. 12 Ni atail ian I serkidi paptais, o me komail pil maur kida poson manaman en Kot, me kaiasada I san ren me melar akan. 13 O ni ansaun omail mela ni dip o sosirkomsais en uduk omail, a kotin kamaur komail da ianaki I, ni a kotin maki on kitail sapun kan karos. 14 O a kotin iros wei san intin o, me kapokon on kitail, me audekier kusoned akan, ap palian kitail, I me a kotin kawelar ni a pasurede on I nin lopu. 15 A lau kaloedier wei kan o manaman akan, ap kasansanle irail ada o wia kin ir kilel en kaperen eu. 16 Sota amen en kadeik komail da pweki kisin mana, de pil nim, de ran a akai, de maram pul, de sapat akan. 17 Pwe mepukat mot en me pan pwarado, a war o iei Kristus. 18 Sota me pan kataue san komail katin pamail; pwe iei i me kin wiawia pein insen a ni a karakarak o poni on tounlen kan, me a sota kilanger o me aklapalap o perenki pein i ni tiak en uduk a. 19 O a sota kin keleki tapwi, me war pon ale san kisin mana ki kokon akan, iduen a pan kakairida ni kupur en Kot 20 A ma komail ian Kristus melar san tiak en sappa, menda komail pil lodi on tiak kan likamata komail memaureta nin sappa. 21 Re kin inda: Koe der doke, koe der son, koe der sair! 22 A mepukat karos pan okila kadokepa; ari kisin kusoned mal akan, me aramas akan ta wiadar. 23 Me sansal en lolekon ni ar wiada pein ar kaudok o karakarak o ar kaloke pali war arail; a mepukat kin kapwaiada pali uduk eta.